اللہ بھلو بادشاہ سے، کس کس ءِ اینک کننگ کپک، آصف علی زرداری

اسلام آباد : پاکستان پیپلز پارٹی نا شریک چیئرمین ومسکوہی صدر آصف علی زرداری پارینے کہ اللہ بھلو بادشاہ سے‘ کس کس ءِ اینک کننگ کپک۔ پارلیمنٹ ہاؤس اٹ صحافی اس آصف علی زرداری آن سوج کرے کہ نی پاریسس کہ فیض حمید اینک مس‘ گڑا عمران خان ہم اینک مسنے؟ ہرانا ورندی ٹی آصف زرداری پارے کہ اللہ بھلو بادشاہ سے‘ کس ہم اینک مننگ کپک۔ آصف علی زرداری آج سوج کننگا کہ نی پاریسس کہ مذاکرات پارلیمنٹ اٹ مریک گڑا عمران خان تون ہیت مننگ کیک؟ ورندی ٹی مسکوہی صدر پارے کہ اینو اسہ ٹی وی شو اسے ٹی انٹرویو تننگ اٹی اٹ‘ ہموڑکن سوج آتے ڈکانٹ۔ صحافی پارے کہ نن فیلڈ رپورٹر تتون ہم ’چٹ چیٹ‘ مرے تو جوان ءُ ہیت اسے‘ ورندی ٹی آصف زرداری پارے کہ نم تو ننے لفٹ ہم کپیرے۔

(آن لائن)