جیونی‘ سیکورٹی فورس آتا گاڈی آ بمب دھماکہ‘ مسہ کارندہ ٹھپی

گوادر : جیونی ٹی سیکورٹی فورس آتا گاڈی آ بمب دھماکہ‘ دھماکہ ٹی ایف سی نا مسہ کارندہ ٹھپی مسر۔ اسہ بمب اس دوئی مس۔ حوال نا رداٹ جیونی ٹی نادرست بندغ آتا کنڈآن ایف سی نا گاڈی آ بمب جلہو اس س۔ دا بابت اٹ پولیس پارینے کہ نادرست بندغ آک مین شاہراہ غا کنٹانی کراس نا ماس آ پانوان پل نا کیرغ آن بمب اس تخاسر و ایف سی نا گشتی ٹیم ہراتم اوڑے سر مس تو دھماکہ کننگا۔ پولیس نا رداٹ دھماکہ ٹی مسہ کارندہ ٹھپی مسر۔ ٹھپی تیٹی ڈرائیوربلال، سپاہی ناصر و سپاہی شوکت اوار ءُ۔ ہرافتے زوت اس کمک کن انڈس اسپتال گوادر آ گدریفنگا۔ پولیس نا رداٹ جاعہ واردات آن اسہ پین بمب اس دوئی مس ہرا ترخیتویسس۔

(آن لائن)