قومی اسمبلی ءِ 11 اگست آ پرغنگ نا گمان
Get real time updates directly on you device, subscribe now.
اسلام آباد : حکومت نا مُد انا گڈیکو عشرہ یکم اگست آن بنا مریک‘ سیوتی و حکومت نا امنائی اٹ قومی اسمبلی ءِ 11 اگست آ پرغنگ ناگمان ارے۔ میڈیا رپورٹ نا رد اٹ حکومت نا مُد انا چٹفنگ خڑک ءِ ہرانا سوب آن سیوتی جماعت آتا جماعت ءِ منہ دے اٹ بٹنگ انگک‘ سلابت آن پد ایڈوائس ءِ 11 اگست آ صدر مملکت آراہی کننگک۔ صدر دستخط کتو تو اسمبلی ایڈوائس راہی کننگ نا 48 گھنٹہ غان تینٹ پنک‘ قومی اسمبلی نا مُد 13 اگست ننکان دوانزدہ بجہ غا چٹک۔ ایڈوائس رسینگ آ صدر مملکت حکومت و اپوزیشن آ چٹھی راہی کیک کہ نگران وزیراعظم ناپن ءِ تننگے‘ امنائی سلاہ اٹ مسہ دے انا سلابت آن پد صدر مملکت ءِ نوٹی فکیشن کن منہ گھنٹہ رسینگک۔حکومت و اپوزیشن، نگران وزیراعظم کن مسہ دے اٹ سلابت ءِ پورو کرسا پن راہی کننگ نا پابند مریک‘ امنائی مفننگ آ الیکشن کمیشن مسہ دے اٹ سلاہ تروک پن تیان نگران وزیراعظم ناپن اناپڑو کننگک۔
(آن لائن)