نوشکے‘ اُلس ءِ پولیو مہم نا سرسہبی ٹی کڑد ادا کروئی تمک‘ نظام رحیم بلوچ
Get real time updates directly on you device, subscribe now.
نوشکے : پولیو مہم نا بابت اٹ ایڈیشنل ڈپٹی کمشنر نظام رحیم بلوچ چناتے پولیو نا پڑی بٹسا پولیو مہم نا بنا ءِ کرے او وخت آ ڈپٹی ڈی ایچ او ڈاکٹر مشتاق مینگل ڈبلیو ایچ او نا نماہندہ ڈاکٹر عبدالمالک، ایم این ای افیسر اغا داود شاہ، کمیونیکیشن افیسر یونیسیف مہراللہ بادینی ڈی ایس وی عطاء اللہ مینگل، آئی ٹی افیسر ظاہر مینگل، نیشنل پروگرام نا ضلعی چیرمین عبدالرازق زہری پیرامیڈکس نا صدر عبدالروف مینگل خلیل احمد مینگل و ایلوفک ساڑی ئسر۔ اے ڈی سی نوشکے نظام رحیم بلوچ او وخت آ پارینے کہ لمہ باوہ غاک پوسکن آ چین ءِ رکھوک کننگ کن پنچ سال انا وہی اسکان نا چناتے انسداد پولیو نا پڑی کنفر۔ پولیو اسہ ہلوک ءُ ناجوڑی اسے و ننے تینا بروک آ چین تے دا ہلوک آ ناجوڑی آن بچفنگ کن کوشست کروئی تمک انسداد پولیو مہم قومی ءُ فرض اسے۔
(خ ن)