حارث رؤف نا ارٹمیکو کورونا ٹیسٹ ہم منفی بس
Get real time updates directly on you device, subscribe now.
لاہور (مانیٹرنگ ڈیسک) فاسٹ باؤلر حارث رؤف نا ارٹمیکو کورونا ٹیسٹ ہم منفی بس، فاسٹ باؤلر لندن آ راہی مننگ نا تیاری تے ہلکنے۔ نجی ٹی وی نا رداٹ فاسٹ باؤلر حارث رؤف نا ارٹمیکو کورونا ٹیسٹ ہم منفی بس، حارث رؤف نا ارٹمیکو کورونا ٹیسٹ تدوک آ دے ہلنگاسُس۔ پی سی بی کمامدار آتا پاننگ ءِ کانود نا رداٹ حارث رؤف پیشن ملک سفر کننگ نا اہل ءِ، فاسٹ باؤلر حارث رؤف نا برطانیہ نا سفر نا انتظام آتے کننگ اٹی ءِ۔ ایلو کنڈآ انگلینڈ نا برخلاف سیریز کن پاکستان کرکٹ ٹیم جوان وڑ اٹ تیاری کننگ اٹی ءِ۔ ڈربی ٹی اسہ دے اس آرام آن پد پاکستانی کرکٹرک اسہ وار ولدا پِڑ انا کنڈ آ راہی مسر و ٹارگیٹ سیناریو پریکٹس کریر۔ حوال نا رداٹ 5 اگست آن بنا مروک آ ٹیسٹ سیریز کن پاکستان کرکٹ ٹیم ڈربی ٹی ارٹمیکو چار دے ئی میچ آن پد تدوک آ دے آرام کریٹ و تدوک آ دے اسہ وار ولدا کانٹی گراؤنڈ نا کنڈآ مسر ہراڑے روایتی نیٹس نا جاگہ غا سیناریو بیسڈ ٹریننگ کریر ہراٹی ہیڈ کوچ مصباح الحق بیٹسمینک و باولرتے سیشن آتا بنداو آ جتا جتا ٹارگٹ تسر۔ پاکستان کرکٹ ٹیم پین اِرا دے ڈربی ٹی پریکٹس کیک اوکان پد یکم اگست آ کرکٹرک مانچسٹر آ راہی مریرہ ہراڑے اولڈ ٹریفوڑد آ اولیکو ٹیسٹ پنچ اگست آن بنا مریک۔