جہانی ٹینس سرکٹ 20 اگست آن بحال مننگ نا گمان
Get real time updates directly on you device, subscribe now.
لندن (مانیٹرنگ ڈیسک) کورونا وائرس نا سوب آن معطل انٹرنیشنل ٹینس سرکٹ 20 اگست آن بحال مننگ نا گمانک ودانو۔ سنسناٹی اوپن نا انتظامیہ ٹورنامنٹ کن بنائی انٹری لسٹ اس جاری کرینے۔ مینز ایونٹ اٹ راجر فیڈرر بشخ ہلنگ کپک۔ سنسانٹی اوپن 20 اگست آن گوازی کننگک، یو ایس اوپن آن مست دا ایونٹ کورونا وائرس دَین نا بابت معطل مننگ آن پد اولیکو اے ٹی پی ایونٹ مریک۔ ایونٹ نا بنائی انٹری لسٹ جاری کرے ہراٹی ٹاپ ٹین اٹ اوار انگا جہانی نمبر چار راجر فیڈرر و عالمی نمبر 9 گائیل مونفل بشخ ہلنگ کپک۔ جہانی نمبر ون نوواک جوکووچ، جہانی نمبر 2 رافیل نڈال و جہانی نمبر 3 ڈومینک تھیم بشخ ہلنگ ءِ پک کرینے۔ نیاڑی مقابلہ غاتے ٹی جہانی نمبر ون ایشلے بارٹی، جہانی نمبر 2 سیمونا ہیلپ و جہانی نمبر 5 ایلینا سویٹولینا سنسناٹی اوپن اٹ بشخ ہلنگ کپسہ۔ جمہوریہ چیک نا جہانی نمبر 3 کیرولینا پلیسکووا، جہانی نمبر 4 سوفیا کینن ایونٹ اٹ انٹری کرفنگانے۔ پاکستان نا اعصام الحق ہم سنساٹی اوپن اٹ ڈبلز مقابلہ غاتے ٹی انٹری راہی کرینے ولدا ہم ڈبلز مقابلہ غاتا انٹری لسٹ بروک آ ہفتہ ٹی جاری کننگک۔