نوشکے، پک اپ و کار موٹر اس ڈوک لگار، 5 بندغ زوال ،14 ٹھپی

نوشکے آرسی ڈی شاہراہ جنگلات نا ہند آ ڈبل ڈور پک اپ وکارموٹر اس ڈوک لگار‘ نیاڑی تون اوار پنچ بندغ زوال وخت اس کہ 14 ٹھپی مسر‘ ٹھپی تے کوئٹہ غا گدریفنگا۔ حوال نا رد اٹ نوشکے آن 7 کلومیٹر نا مُری آ جنگلات نا ہند آ قومی شاہراہ غا خاران آن بروک آ گاڈی و کوئٹہ غان گردی جنگل آ ہنوک آ ڈبل ڈور پک اپ گاڈی ڈوک لگار‘ ہرانا سوب آن عطاءاللہ ولد محمد وارث سکنہ خاران، محمد ستار ولد نامعلوم ساکن کچلاک، عبدالرشید ولد محمد حیات ساکن خاران، راشدہ دختر عبدالرشید ساکن خاران زوال مسر وخت اس کہ 14 ٹھپی تے ٹی شاہینہ دختر عبدالرشید، عادل ولد عبدالرشید، محمد حنیف ، حکمت اللہ‘ حبیب اللہ‘ اسداللہ‘ رحمت اللہ‘ عبدالباری پسران شمس الدین ساکنان کچلاک، سجاد احمد ولد حاجی گل محمد چنال ساکن خاران، خیال محمد ولد قائم خان، محمد قاسم ولد محمد رمضان، حضرت نبی ولد حضرت عمر، محمد رسول محمدزئی، اللہ گل ولد نورالدین ساکنان کچلاک اوار ءُ۔ٹھپی تے زوال مروک آتےڈسٹرکٹ ہیڈ کوارٹر سول ہسپتال نوشکے آسر کننگا۔دا وخت آ ڈی ایچ او ڈاکٹر صاحبزادہ ڈاکٹر فرید احمد، ایم ایس ڈاکٹر ظفر مینگل، ڈاکٹر ظفر مینگل، ڈاکٹر حفیظ مینگل و ڈاکٹر ناصر و پیرا میڈیکل اسٹاف نا ٹیم ٹھپی تے درمان کرے۔ داوخت آ اسسٹنٹ کمشنر سوبان سلیم دشتی، ایس ایچ او علی احمد بگٹی و لیویز و پولیس نا کارندہ غاک ساڑی ئسر‘ زوال مروک آتا لاش تے اوفتا علاقہ غاتیا وخت اس کہ ٹھپی تے کوئٹہ غا گدریفنگا۔
(تلار حوالکار)