ناسا و اسپیس ایکس نا تاریخی خلائی مشن نا بنا

0

Get real time updates directly on you device, subscribe now.

واشنگٹن :  امریکہ ٹی اولیکو وار پبلک پرائیوٹ پارٹنرشپ ننا رد اٹ اِرا بندغ خلا ٹی راہی کننگانے، و خلاباز آک اسپیس ایکس کمپنی نا جوڑ کروک راکٹ نا کمک اٹ جہانی خلائی اسٹیشن کن راہی مسنو۔ ناسا نا خلاباز پرائیویٹ خلائی گاڈی نا کمک اٹ مشن آ راہی مسنے، و اسپیس ایکس ناسا نا خلاباز آتے خلا ٹی راہی کروک اولیکو نجی کمپنی جوڑ مسنے، 2011ءغان پد دا اولیکو وار ءِ ہراتم امریکہ تینا خلاباز آتے آئی ایس ایس آ سر کننگ نا وڑ اٹ مسنے۔ اسپیس ایکس ناسا تون اوار مرسا ناسا نا اِرا خلا باز ءِ جہانی خلائی اسٹیشن (آئی ایس ایس) آ راہی کرینے، و دا پروجیکٹ ءِ SpaceX Demo-2 نا پن تننگانے، ہڑتوم آ خلاباز آک فلوریڈا نا کینیڈی اسپیس سینٹر آن پاکسان نا آبی وخت انا رد اٹ 12 بجہ غان پد راہی مسنو۔ و راہی مننگ آن پد پگہ غا پیشیم نا سَے بجہ غا خلائی اسٹیشن آ سر مریک۔ ڈگ ہرلی و باب بیہنکن ناسا ٹی کاریم کروک بھاز آزموندہ کار خلاباز اسے۔ و داکان مست ہم اِرا وار خلائی سفر کرینو۔ دا مشن کن اوفتے 2000ءاٹ گچین کننگاسس۔ ہڑتوم آ خلاباز آک آئی ایس ایس ٹی مسہ تُو مریرہ۔ و دا نیام اٹ پراجیکٹ نا منتظم آک خلائی جہاز انا کارکڑد نا جاچ ءِ ہلیرہ۔ دا پروجیکٹ کن ازباب (ہارڈ ویئر) اسپیس ایکس جوڑ کرینے، ولے فنڈنگ ناسا تینا کمرشل کریو پروگرام (سی سی پی) نا رداٹ فراوان کرینے، ناسا کم خڑچ کروک فلائٹ نا رد اٹ 2024ءاٹی تُوبے آ دوارہ گام تخنگ نا ڈٹ اس ہم سجفینے۔ اسپیس ایکس راکٹ کمپنی داکان مست انٹرنیشنل اسپیس اسٹیشن اسکان گرج انا گڑا تے رسیفنگ نا کاریم کرسا ہنانے، و داسہ دا کمپنی خلاباز آتے ہم اسپیس اسٹیشن اسکان دننگ نا کاریم ءِ کیک۔

(آن لائن)

Get real time updates directly on you device, subscribe now.

Leave A Reply

Your email address will not be published.