کرس سری کانت نا ہم ٹی 20 ٹی بابراعظم نا ڈائی نا انتظار

نئی دہلی (مانیٹرنگ ڈیسک) بھارتی کرکٹ ٹیم نا مسکوہی گوازی گر کرس سری کانت پارینے کہ پاکستان و انگلینڈ نا نیام اٹ مسہ میچ آتا ٹی 20 سیریز اٹ کل انا نظرک بابراعظم تون خلوک ءُُ۔ حوال نا رداٹ ٹی 20 فارمیٹ اٹ دنیا نا نمبرون گوازی گر انگلینڈ نا برخلاف اولیکو ٹی ٹونٹی ءِ ہندا گراؤنڈ اٹ گوازی کرے ہراڑے او ٹی 20 انٹرنیشنل کیرئیر نا بنا ءِ کریسُس، قومی ٹیم دا میچ اٹ 9 وکٹ نا سرسہبی ٹی دوئی کریسُس۔ او بابراعظم ہمو وخت آن انگلینڈ اٹ گوازی کننگ ءِ پسند کیک۔ لاہور اٹ ودکی مروک آ 25 سال نا گوازی گر خدو انگلینڈ نا ڈومیسٹک ٹی 20 بلاسٹ ٹورنامنٹ اٹ انگلش کاؤنٹی سمرسیٹ نا نمائندگی ءِ کرسا کل آن زیات 578 رنز جوڑ کریسُس وخت اس کہ ٹی 20 نا کرکٹ اٹ ا مسہ سنچری ہم جوڑ کرینے ہرافتے آن 2 ءِ انگلینڈ اٹ جوڑ کرے۔ کرس سری کانت پارینے کہ پاکستان تون جوان ءُُ وارخواہی اس ارے کہ او ورنا گوازی گرتے آزمائفسا اسہ جوان ءُُ ٹیم اس جوڑ کننگ نا کنڈ آ گام گیج کے ہراڑا اودے فخر مرے۔ سیریز اٹ کل انا خنک بابر اعظم اٹ خلوک ءُُ۔ اوٹی ورنائی و آزموندہ نا جوان ءُُ لائخی اس ارے۔