کنا باوہ ءِ برین کینسر ءِ‘ بین سٹوکس

کرائسٹ چرچ (مانیٹرنگ ڈیسک) انگلش آل راونڈر بین سٹوکس پارینے کہ پاکستان نا برخلاف سیریز ءِ اسُل ہلیتویٹہ ولے باوہ نا کنا کنڈیشن بھاز خراب ئس ہرانا سوب آن سیریز ءِ اِلسا نیوزی لینڈ آ بروئی تما کنے۔ انگلینڈ نا 29 سال نا آل راؤنڈر بین سٹوکس نا پاکستان نا برخلاف ٹیسٹ سیریز ءِ اِلنگ نا بارواٹ ہیت کرسا پارینے کہ سیریز ءِ اِلنگ المی ئس کہ اونا باوہ نا حالیت سہی الو۔ بین سٹوکس پارینے کہ ہراتم اودے باوہ نا حالیت نا سما تما تو اُست و دماغ ہڑتوم آک گوازی تون الوسہ۔ کنا انگلینڈ اٹ سلنگ ممکن الو۔ او زو اس انگلینڈ اینڈ ویلز کرکٹ بورڈ ءِ حالیت ءِ پاریٹ او چٹھی نا درخواست کریٹ ہرا کنے رسینگا۔ یات سلے کہ بین سٹوکس نا 64 سال نا باوہ جیرارڈ سٹوکس برین کینسر اٹ اختہ ءِ۔ او نیوزی لینڈ نا مسکوہی رگبی گوازی گر اسے۔ بین سٹوکس نیوزی لینڈ اٹ آئسولیشن آن پد فیملی ءِ جوائن کیک۔