کویتی وزیر خارجہ نا آرمی چیف فیلڈ مارشل سید عاصم منیر تون اوڑدہی
Get real time updates directly on you device, subscribe now.
کویتی وزیر خارجہ آرمی چیف فیلڈ مارشل سید عاصم منیر تون اوڑدہی کرے‘ ہڑتوم آ کنڈ انا کمک و علاقائی سلامتی آ گپ وتران کننگا ایلمی تعلقداری تے پین سوگو کننگ آ امنا، فیلڈ مارشل سید عاصم منیر کویت تون ہر کہول آ کمک برجا تخنگ نا عزم انا درشانی کرے۔ آئی ایس پی آر نا رِد اٹ پاکستان نا دورہ غا بروک کویت نا وزیرِ خارجہ شیخ جراح جابر الاحمد الصباح پاکستان اٹی تعینات کویتی سفیر ناصر عبدالرحمن المطیری تون اوار جنرل ہیڈ کوارٹرز (جی ایچ کیو) راولپنڈی نا دورہ ءِ کرے و آرمی چیف و چیف آف ڈیفنس فورسز، فیلڈ مارشل سید عاصم منیر تون اوڑدہی کرے، اوڑدہی نا وخت آ تین پہ تینی استخواہی تا باندات‘ علاقائی سلامتی و ہڑتوم آ کنڈ انا کمک ءِ پین سوگو کننگ نا باندات آتیا گپ وتران کننگا۔ کویتی وزیر خارجہ پاکستان نا نزور مفروک مخ تفی‘ علاقائی امن و سوگوی کن گچین کڑد و ہڑتوم آ ملک آتا نیام اٹی کڑمب ایلمی تعلقداری تا ستاءِ کرے۔ وخت اس کہ فیلڈ مارشل سید عاصم منیر کویت کن پاکستان نا اردہ نا دوارگی ءِ کرے و دا ہیت آ زور شاغا کہ ہڑتوم آ ملک آتا علاقائی امن و شونہالی نا بابت وژن اسٹ ءِ۔