یونیورسٹی آف مکران پنجگور نا 5می فائنانس اینڈ پلاننگ کمیٹی نا دیوان
Get real time updates directly on you device, subscribe now.
یونیورسٹی آف مکران پنجگور نا 5 میکو فائنانس اینڈ پلاننگ کمیٹی نا دیوان وائس چانسلر پروفیسر ڈاکٹر میر سادات بلوچ نا کماشی ٹی اڈ ہلک۔ دا بڑزکو کہولی دیوان اٹی ہائر ایجوکیشن کمیشن (HEC) نا فائنانس چاہندار، گورنر ہاؤس نا مالیاتی چاہندار و فائنانس ڈیپارٹمنٹ حکومتِ بلوچستان نا نمائندہ غاک خاص وڑ اٹ بشخ ہلکر۔ وخت اس کہ جامعہ مکران نا کنڈ آن ڈین و کنٹرولر امتحانات ڈاکٹر محمد یونس بلوچ، رجسٹرار آفتاب اسلم بلوچ، ڈائریکٹر فائنانس ولید احمد بلوچ و فائنانس آفیسر جہانگیر منظور بلوچ ہم ساڑی ئسر۔ دیوان نا وخت آ یونیورسٹی نا کل مالی باندات و خڑچ آتا سرجم و خوڑتی اٹ جاچ ءِ ہلنگا۔ کل چاہندار و نمائندہ غاک جامعہ مکران نا گچین فائنانس مینجمنٹ، مالیاتی نظم و ضبط و شفافیت ءِ جوان انگا لوز آتیٹی ستا کریر۔ دیوان اٹی پیش کروک آ حوال نا رِد اٹ یونیورسٹی آف مکران تدوک آ مالی سال انا وخت آ تینا جند انا کٹیا ٹی 175 درسد نا بے کچ بھلن و تاریخی ودکی مسنے، وخت اس کہ سُج پام و گچین تدبیر نا کمک اٹ خڑچ آتیٹی 35 درسد نا پیدوار کمتی پک مننگ کرینے۔ پنجگور (نامہ نگار)