کورونا وائرس آن دنیا بھاز بھلو شیف بڑزی سے آن گدرینگانے، گورنربلوچستان

کوئٹہ( آن لائن )گورنر بلوچستان جسٹس (ر) امان اللہ یاسین زئی پارینے کہ کورونا وائرس نا سوب آن دنیا ویل آتا گواچی ءِ، دَین انا برخلاف ڈاکٹر و ایلو طبی کمامدار آتا انسانی جہد آن خدمت نا پین ہچ ءُ جوان ءُ مثال اس خننگپک، دن انگا حالیت آتیٹی ڈاکٹر، نرس، پیرامیڈیکس آک بے مٹ خدمت کرینو۔ دا خیال آتا درشانی ءِ او کورونا وائرس اٹ فرنٹ لائن آ کاریم کروک آ ڈاکٹر آتا جوزہ خدمت نا رداٹ ہندی ہوٹل و ایچ بی ایل نا اِرغ ءِ سر کننگ نا ایسری دود آن تران کرسا کرے۔ دود انا خاص انگا مہمان گورنر بلوچستان جسٹس (ر) امان اللہ یاسین زئی ئس، ہندی ہوٹل و ایچ بی ایل نا کنڈآن کورونا نا حالیت اٹ اولیکو دے آن جتا جتا ہسپتال آتیٹی خدمت کروک آ ڈاکٹر تے اِرا وخت انا مفت اِرغ تننگا، ہندی ہوٹل و ایچ بی ایل نا کنڈآن کوئٹہ ٹی4 ہزار آن زیات وخت اس کہ مچ آ ملک اٹ90 ہزار ارغ نا بسکٹس بشخ و پانٹ کننگا وخت اس کہ ہندی ہوٹل و ایچ بی ایل نا کمک اٹ 3 ہزار خاہوت آتیٹی راشن ہم بشخ و پانٹ کننگا، گورنر بلوچستان جسٹس (ر) امان اللہ یاسین زئی پارینے کہ کورونا وائرس نا سوب آن دنیا غیر معمولی آ حالیت آتا گواچی ءِ، دَین نا برخلاف ڈاکٹر و ایلو طبی کمامدار آتا انسانی جہد آن پُر انگا خدمت نا ہچ ءُ مٹ اس ملپک، دن انگا حالیت آتیٹی ڈاکٹر، نرس، پیرامیڈیکس آک بے مٹ ءُ خدمت کرینو، او پارینے کہ صوبائی حکومت نا کنڈآن لاک ڈاﺅن اٹ صوبائی حکومت نا کنڈآن راشن بشخ و پانٹ کننگا بھاز آ بندغ آتا روزگارک زہمی مسر، بھاز آ بشخ آتون گنڈوک آ بندغ آتے کشنگا ولے ہندی ہوٹل نا کنڈآن ہچ ءُ ملازم اسے کشنگتو، دعا ءِ کہ دا کورونا وائرس زوت اس ایسر مرے۔