صدر و وزیر اعظم نا پاکستان اسٹاک ایکسچینج آ دہشت گرد آتا جلہو نا مذمت

اسلام آباد (اے پی پی/ آن لائن) صدر مملکت ڈاکٹر عارف علوی کراچی اسٹاک ایکسچینج آ دہشت گرد آتا جلہو نا مذمت ءِ کرسا تینے مون اٹ ترسا دہشت گرد آتا جلہو ءِ بے سہب کروک آ سیکورٹی گارڈآتے خراج عقیدت پیش کرینے۔ دوشنبے نادے آ تینا بیان اٹی صدر مملکت پارے کہ دہشت گردی نا مون ءِ توننگ و ماس کش کننگ اٹ سیکورٹی فورس آتا کڑد ستاکڑزک۔ اوپارے کہ دہشت گرد آک تینا ناپاک مسخت آتے ٹی سرسہب مننگ کپسہ۔ پاکستان دہشت گردی ءِ ماس کش کننگ کن سنبرینگوک ءِ۔ داکان بیدس وزیراعظم عمران خان کراچی اسٹاک ایکسچینج آ دہشت گردی جلہو نا مذمت ءِ کرے۔ تینا اسہ بےان اسے ٹی وزےراعظم کراچی ٹی تدوک آ دے کراچی اسٹاک اےکسچےنج آ دہشت گردو آتا کنڈآن کروک آ جلہو نا مذمت ءِ کرسا پارینے کہ سکیورٹی ادارہ غاتا ورناک بہادری ٹی دشمن نا مقابلہ ءِ کریر و اوفتا جلہو ءِ بے سہب کریر۔ مچ آ قوم ءِ تینا بہادر آ ورنا تیا فخر ءِ، شہید آتا خاہوت آتون ہڑزخواہی و ٹھپی تا جانجوڑی کن دعاگو اُٹ۔