عبدالخالق ہزارہ نا انٹی کرپشن نا عدالت آن بری مننگ خوشی نا ہیت اسے‘ایچ ڈی پی
Get real time updates directly on you device, subscribe now.
کوئٹہ، ہزارہ ڈیموکریٹک پارٹی نا بنجائی بیان اٹی مسکوہی صوبائی وزیر و چیئرمین عبدالخالق ہزارہ ءِ انٹی کرپشن نا عدالت آن بے بنداو مقدمہ غان شرف اٹ بری کننگ ءِ پارٹی نا اخلاقی و سیاسی سرسہبی گوندسا پاننگانے کہ منہ بندغ نا کنڈآن پنچ سال اسکان پدریسہ پارٹی سرکڑدہ نابرخلاف غوغا کننگا، منفی غوغاتا تا کمک اٹ الس ءِ ریفنگ نا کوشست کننگا ولے اوفتا ہر وڑءِ الس مسترد کرسا 2024ء نا گچین کاری تیٹی کارکڑد نا بنداو آ پارٹی نا پندار اومیتدار آتے تینا تاریخی وونٹ آتے تس ولے پارٹی نا کارکڑد آن خلوک آک الس نا سلاہ ءِ لتاڑ کرسا جعلی بندغ آتے پارٹی اومیتدار آتا مون اٹ فارم 47 نا کمک اٹ الس آبیٹ کریر۔