پر آن پد کراچی نا حالیت آن پک مس کہ اوڑے حکومت اف، شبلی فراز

اسلام آباد( آن لائن ) بنجائی وزیر حوالکاری سینیٹر شبلی فراز پارینے کہ کورونا آن داسکان کن پیش تمتنن، ایلو کنڈ آ کراچی نا حالیت آک کل انا مون آٹو، پِر آن پد کراچی نا حالیت ءِ خننگ آن پد ہندن لگا کہ اوڑے ہچ ءُ حکومت اس اف ولے نن کراچی نا اُلس ءِ سندھ حکومت نا دوتیا النگ کپنہ، اوفتا ہر وڑ انا کمک ءِ کننگک، ہرانا سندھ اٹ دا وخت اسکان حکومت ءِ او ورندی ایتے کہ فنڈ آک ہراڑے خڑچ مسر، پارلیمنٹ اٹ داڑا ہم ہیت مریک، سندھ حکومت ءِ تینا نااہلی ءِ منوئی مریک، کورونا نا برخلاف اسمارٹ لاک ڈاون نا حکمت عملی سرسہب مس داسہ عئید انا دے تیٹی اُلس زمواری نا شہاید ایتے۔ گریزی کروک آک چاہنگ آن پد نُت و بُور ءِ ویل اس جوڑ کرینو۔ ملک اٹ نُت و بُورہ بے کچ اٹ ساڑی ارے۔ ہچ ءُ وڑ انا کمتی اس اف، وزیراعظم اسٹاک کروک آتون سختی ٹی مون تننگ نا پارت کرینے۔