مصباح الحق ءِ پی ایس ایل اٹ کوچنگ نا پین موکل تننگپک‘وسیم خان

لاہور (مانیٹرنگ ڈیسک) پاکستان کرکٹ بورڈ ہیڈ کوچ مصباح الحق ءِ پی ایس ایل فائیو کن اسہ وار نا اسلام آباد یونائیٹڈ کوچنگ نا موکل تسوسُس۔ پی ایس ایل فائیو اٹ مصباح الحق نا ویل ءِ پُدین کننگ کن پی سی بی اودے پین کوچنگ نا موکل تفننگ نا فیصلہ کرینے۔ پی سی بی نا چیف ایگزیکٹیو وسیم خان پک کرے کہ پُوسکن آ پی سی بی ایتھکس کوڈ آ عمل کینہ، مفاد آتا اوار تمننگ نا وخت آ کیس ٹو کیس ہرنہ۔ او مستی پارینے کہ مصباح الحق نا فرنچائز تون اسہ سال اسے نا معاہدہ ئس و نن اودے آزموندہ کن اسہ سال اسے کن کوچنگ نا موکل تسوسُن۔ حیرانی نا ہیت دادے کہ 46 سال نا مصباح الحق نا کوچنگ اٹ اسلام آباد نا ٹیم گڈیکو نمبر آ بسوسُس۔ وسیم خان پارینے کہ مصباح الحق یونس خان ءِ 100 درسد بیک کننگ اٹی ءِ۔ یونس خان ریکارڈ و فٹنس نا بابت اٹ بھاز مونی ءِ۔ اونا بارواٹ انگلینڈ آن جوان ءُُ رپورٹ ملنگ اٹی ءُُ۔ 90 نا دہائی نا کرکٹر آتیان فائدہ ہرفسا کارہ انتئے کہ 1990ء نا دہائی نا ہیروک میچ ونرک ہم ئسر۔