نائب وزیراعظم نا چین و نیپال اٹی بھسکار نوکاپ آن جانی نسخان تیاڈکھیائی
Get real time updates directly on you device, subscribe now.
نائب وزیراعظم و وزیر خارجہ سینیٹر محمد اسحاق ڈار چین و نیپال اٹی اناگت بروک آ بھسکاری کروک نوکاپ و لین سلائیڈنگ نا سوب آن نہادی انسانی جان تا زیان و چندی بندغ آتا داسکان گم مننگ آ ڈکھیائی و است ہسونی نا درشانی ءِ کرینے۔ سے شنبے نادے آ راجی رابطہ نا ویب سائٹ ایکس آ اسہ بیان اسے ٹی نائب وزیراعظم و وزیر خارجہ پارے کہ پاکستان دا غم انا ساہت اٹ تینا چینی و نیپالی ایلم و ایڑھ تتون پورو یکجہتی نا درشانی ءِ کیک و دا است ہسون واقعہ غان پد وس انا کچ آ کمک و سلہ خلیک۔ او زوال مروک ٓ بندغ آتا خاہوت آتتون است ہسونی نا درشانی ءِ کرے۔ و سختی نا دا ساہت اٹ سخت خواری کروک کمکی و ریسکیو ٹیم تا ہمت و جوزہ ءِ سلام پیش کرے۔