پاک بنگلہ دیش چک و تاڑ چٹا، ڈھاکہ ٹی پاکستانی ہائی کمیشن مس سال آن پد ملنگا

اسلام آباد(آن لائن)پاکستان و بنگلہ دیش نا نیام اٹ سفارتی چک و تاڑ نا چٹنگ آن پد ڈھاکہ ٹی پاکستانی ہائی کمیشن مسہ سال آن پد پورو وڑ اٹ فعال مس۔ سفارتی کمامدار آتا رداٹ پاکستان و بنگلہ دیش نا نیام اٹ سفارتی تعلقداری تیٹی جوانی اس بسنے۔ او بنگلہ دیش نا دارالحکومت ڈھاکہ ٹی پاکستانی ہائی کمیشن مسہ سال آن پد مکمل وڑ اٹ بحال مسنے۔ وزیر اعظم عمران خان تینا بنگلہ دیشی ہم منصب شیخ حسینہ واجد تون پدریسہ ٹیلیفون آ حال احوال و بنگلہ دیشی وزیر اعظم نا بھارت نا کیہی خواست آتیان پد ہم ملنگ آن نمن ہڑتوم آ ہیت آک سجفنگ نا ءُ۔ ہڑتوم آ ملک آتا نیام اٹ سفارتی چک و تاڑ اٹ کمتی آن پد سویلی ایشیاءٹی سفارتی تعلقداری بدل مسنے ہراڑان بھارت ڈیہہ اٹ تنہائی نا گواچی مسنے و پاک بنگلہ دیش تعلقداری ٹی جوانی آن بھاز فریشان ءِ۔ سفارتی کمامدار آتا رداٹ کہ ہڑتوم آ ملک آتیٹی سفارتی چک و تاڑ ءِ کم کننگ اٹ چین بھلو کڑد اس ادا کرینے۔