گوادر بندرگاہ غان اولیکو وار اوغانستان کن واپاری گڑا تا فراوانی نا بنا
Get real time updates directly on you device, subscribe now.
کوئٹہ( آن لائن )گوادر بندرگاہ آن اولیکو وار اوغانستان کن واپاری گڑاتا فراوانی نا بنا مس۔ پاک اوغان ٹرانزیٹ ٹریڈ نا گڑاتا اولیکو کھیپ15 ٹریلر گاڈی تیٹی گڑاتے سڑک نا کمک اٹ اوغانستان آ راہی کننگا، سرکاری کمامدار آتا رداٹ پاک اوغان ٹرانزیٹ ٹریڈ نا گڑاتا اولیکو کھیپ بذریعہ سڑک گوادر پورٹ آن اوغانستان آ راہی مسنے۔ 15 ٹریلر گاڈی نا اوغان ٹرانزیٹ ٹریڈ نا گڑاتے اوغانستان آ راہی کننگا، پورٹ کمامدار آتا پاننگ ءِ کہ اوغان ٹرانزٹ ٹریڈ نا گڑاتے اتسا بحری جہاز گوادر نا کڑمب انگا دِیر انا بندرگاہ آ لنگر انداز مس۔ بندرگاہ آ بننگ آ چینی کمپنی و پاکستانی کمامدار آک جہاز ءِ بیا بخیر کریر اوفتا پاننگ ءِ کہ ڈیالا فنافوٹی پنی آ بحری جہازمتحدہ عرب امارات و دبئی بندرگاہ آن اوغانستان کن واپاری گڑا اتسا گوادر ءِ سر مس۔ دو سد آن زیات کنٹینر تیٹی اتوک آ شورہ غاتے کسٹم کلیئرنس آن پد گوادر آن بذریعہ سڑک سی پیک روٹ آن اوغانستان آ راہی کننگا۔