پی ڈی ایم سرکار اللہ نا غضب آن بایدے خلے، عمران خان

اسلام آباد : پاکستان تحریک انصاف (پی ٹی آئی) نا چیئرمین عمران خان پارینے کہ اگہ جیل آتے ٹی نیاڑی تتون بیدادی نا باندات آ شک اس ئس تو اودے سند یافتہ ڈوہدار نا پریس کانفرنس اینک کرے۔ راجی رابطہ نا ویب سائٹ ٹوئٹر آ جاری کروک تینا بیان اٹ عمران خان پارے کہ نیاڑی تتون ہچ ءُ ریاست اسے ناکنڈآن دا وڑنا بیداد و زیزاریفنگ نا باندات مونی بتنے‘ نیاڑیک پرامن برانز نا حق ءِ کاریم اٹ ایسرہ‘اوپارے کہ علی نواز اعوان نا اُراٹی پرغ بٹ نا مذمت ءِ کیوہ‘ دا کارروائیک است ءِ ہسون کروک و بھاز لغوری ءُ۔علی نواز نا ضعیف آ لمہ و معذور آ ایڑھ ہندا اُراٹی رہینگرہ‘ دا وخت اسکان نا باندات آتیان پک مریک کہ پاکستان ڈیموکریٹک موومنٹ (پی ڈی ایم) ءِ اخلاقیات نا سما اف‘ پی ڈی ایم سرکار اللہ نا غضب آن خُلے‘ پی ڈی ایم تینا فسطائی گام گیج آتا کمک اٹ اللہ نا غضب ءِ دعوت تننگ اٹی ءِ۔ ہندن چیئرمین پاکستان تحریک انصاف عمران خان عمر ایوب و شہزاد اکبر نا اُراتیا چھاپہ غاتا مذمت ءِ کرینے‘ تینا مذمتی بیان اٹ عمران خان پارے کہ عمر ایوب و شہزاد اکبر نا اُراغا ننکان چھاپہ خلنگا‘ اینو نن تاریخ نا تہار آ دور اٹ رہینگ ان ان‘ ملک انا آئین ءِ لتاڑ کننگانے‘ عدالتی پرمان تے نت تا کیرغ آن کننگ انگ ءِ‘اوپارے کہ بے وارنٹ آن اُراتیا چھاپہ خلنگ و اوفتے بھس کننگ نا چرجوئی برجاءِ۔ میڈیا نا توارءِ پورو وڑ اٹ بند کننگانے۔ ننا حق آتا رکھ ءِ کروک ءُ کس اس اف۔

(آن لائن)