نیب انا خلیس آن ملک اٹ زرکاری ٹی کمتی مسنے، اسد عمر

0

Get real time updates directly on you device, subscribe now.

اسلام آباد(آن لائن) بنجائی وزیر ڈٹ بندی اسدعمر پارینے کہ سالانہ ڈت بندی کمیٹی بروک آ مالی سال اکن 4.8 درسد گروتھ ریٹ انا منظوری ءِ تسنے، بروک آ مالی سال اکن 900 ارب شونداری بجٹ تخنگک۔ نیب انا خلیس آن زرکاری سلیسنے۔ نیب آن سرکاری افسر و کاروباری بندغ آتے رکھ تننگ کن کانود جوڑ کینہ۔ پاک چائنہ فرینڈ شپ سینٹر اٹی پریس کانفرنس کرسا وزیر ڈٹ بندی اسدعمر پارے کہ سالانہ پلان کورآرڈی نیشن کمیٹی نا دیوان مس، ہراٹی بروک آ سال انا سالانہ پلان و شونداری بجٹ نا منظوری ءِ تننگا۔ بروک آ سال ردوم کچ نا 4.8 درسد کساس کننگانے، دا سال گروتھ بھاز جوان مسنے، و 6.5 درسد جی این پی گروتھ ئسکہ، دا سال 2004ء آن پد زرگزران اٹی غٹ آن زیات ودکی مس۔ او پارے کہ تدوک آ سال پٹی نا فصل بھاز زیات زہمی مسنے، دا سال پُٹی کن گچین ءُ بج فراوانی کن گام گیج کرین، و جہانی منڈی ٹی پٹی نا نہاد گچین ءِ، دہ و نیم ملین پٹی نا نہال بروک آ سال انا کساس ءِ، پولٹری نا صنعت کورونا بندش نا سوب آن بھاز زہمی مسنے۔ پولٹری بروک آ سال نارمل مریک۔ وزیر ڈٹ بندی پارے کہ انڈسٹریل پیکیج نا بھاز جوان رسپانس رسینگا۔ بجلی نا صنعتی کھپت اٹی 15 درسد ودکی مس، گیس انا ڈرلنگ ایکٹویٹی برجا سلک۔ کولا نا پروڈکشن اٹی ہم بروک آ سال ودکی خنگک۔ کنسٹرکشن سیکٹر اٹی ودکی مریک۔ ایکسپورٹ بروک آ سال ودک، دا سال 25.2 ارب و بروک آ سال 26.8 ارب ڈالر نا کساس کننگانے، وخت اس کہ ایکسپورٹ ودپ تو سوگو شونداری مننگ کپک۔ بروک آ سال 31.3 ارب ڈالر ترسیلات زر برجا سلک۔ دا سال آئی ٹی نا ایکسپورٹ اٹی داتم اسکان 46 درسد ودکی ءِ پی ایس ڈی پی دا سال 6 و نیم سو ارب اسکان بروک آ سال 900 ارب اسکان برجا تخنگک۔ دونیم سد ارب بیرہ پی ایس ڈی پی ٹی ودکی کننگ اٹی اُن۔ اسد عمر نا پاننگ ئس کہ مسلم لیگ ن نا راہشونک کنے آ تنقید کریرہ کہ دمدستی انتئے آئی ایم ایف اٹ انتئے ہنتوٹ، دا تو منار کہ دمدستی آئی ایم ایف آ ہننگ نا گرج ئسکہ، بروک آ سال 0.7 درسد کرنٹ اکاؤنٹ نا نسخان نا کساس کننگانے، دو درسد اسکان زرگزران سگنگ کیک، دا گروتھ برنج، کمند، مکئی، خولم نا زیات آن زیات پروڈکشن نا سوب آن بسنے، 16 درسد انوسمنٹ ٹو جی ڈی پی نا تناسب بروک آ سال کن کساس کرینن، پی ایس ڈی پی ٹی 900 ارب تخنگک، اسد عمر پارے کہ بروک آ سال ویکسینیشن کن زیات فنڈ خرچ کننگک، سد یک و نیم سد ملین ڈالر ویکسی نیشن آ ہندا سال خڑچ مریک۔ پاکستان اٹی ایمپلائمنٹ نا ڈیٹا نا نظام بھاز جون اف۔ او پارے کہ نیب انا خلیس آن زرکاری سلیسنے۔ نیب آن سرکاری و پوریاگر بندغ آتے رکھ رسیفنگ کن کانود اتنگک۔ نن تون عددی گیشتری ارے کہ کانود جوڑ کین، چاہندار آتا پاننگ ءِ کہ پاکستان نا زرگزران نا کچ بھلن ءِ، ولے انڈر رپورٹنگ مننگ اٹی ءِ۔

Get real time updates directly on you device, subscribe now.

Leave A Reply

Your email address will not be published.