کورونا غان پد اولیکو وار مسجد الحرام نا حویلی زیارتی تیان پُر مس
Get real time updates directly on you device, subscribe now.
ریاض (اے پی پی) سعودی عرب اٹی کورونا دین انا جہانی دین آن پد اولیکو وار مسجد الحرام اٹی طواف نا صحن نمازی و عمرہ زیارتی تیان پورو وڑاٹ پُرمس۔ پانزدہ می روچہ غا شام انا نماز نا وخت آ مچ آ صحن نمازی تیان پُر نظر بس۔ کورونا غان بچنگ کن تخوک آ ضابطہ غاتا پابندی اٹ حرم مکی ٹی نماز و عمرہ نا آسراتی برجاءِ۔ صدارت عمومی انتظامی امور الحرمین الشریفین بیان اٹی پارینے کہ روچہ نا اولیکو عشرہ ٹی 15 لکھ بندغ کورونا ایس او پی تیا پابندی اٹ نماز و عمرہ کرینو۔ انتظامیہ نا غٹ ادارہ غاک کارکڑد ءِ ودفینو و زیارتی تے آب اٹ خذمت فراوان کننگ انگ ءِ۔ مقدس مسیت آتا انتظامیہ مطاف اٹی 14 نا جاگہ غا 25 ٹریک کریر۔ دافتیان چار ہرا خانہ کعبہ نا بھاز خڑک و بزرگ و معذور آتے کن جتا کننگانو۔ پیر انگا و معذور آتے الیکٹرانک وہیل چیئر آتیا طواف نا آسراتی تننگ انگ ءِ۔