سیاسی نزوری نا سوب آن ملک بھسکاری نا دنگ آٹے، شہباز گل

کوئٹہ: پاکستان تحریک انصاف نا بنجائی راہشون شہباز گل پارینے کہ سیاسی عدم استحکام نا سوب آن ملک دیوالیہ مسنے۔ دا ہیت ءِ خواجہ آصف ہم پک کننگ اٹی ءِ۔ عمران خان آئینی وڑاٹ تینا حکومت ءِ چٹفے۔ ننا وزیرک تینا دور اٹ تینا گاڈی تے کاریم اٹ ایسرہ۔ جیل بھرو تحریک سیاسی تحریک اسے۔ 90 دے اٹ بایدے الیکشن مرے۔ جج آتیا تنقید کننگ کپنہ۔ بلوچستان نا اُلس و عدلیہ تون اوار وکیل آتا منتواراُن۔ دا خیال آتا درشانی ءِ او تدوک آ دے بلوچستان ہائیکورٹ اٹ پیشی آن پد میڈیا تون ہیت وگپ کرسا کرے۔ او وخت آ صوبائی صدر قاسم خان سوری و ایلو راہشونک ہم ساڑی ئسر۔ شہباز گل نا پاننگ ئس کہ دلیری و انسانیت ءِ بایدے ہیل کننگے تو پنجابی تے بلوچستان نا بندغ آتیان ہیل کروئی تمک۔ بلوچستان نا اُلس کیہی سختی تے خنانے۔ جنرل(ر)امجد شعیب نا دزگیری نا مذمت ءِ کرسا پارینے کہ اوڑتون ارا بھلو سیالی ءُ۔ او بہادر آ فوج انا جنرل اس سلیسنے و بھارت آن ہجرت کرسا پاکستان آ بسنے۔ ننا باوہ پیرہ ہندا سوب آن ہجرت کرسا بتوس کہ ننے غدار و باغی پاننگے۔ خواجہ آصف تینٹ پاننگ اٹی ءِ کہ ملک پورو وڑاٹ دیوالیہ مسنے۔ ہرانا بھلو سوب آن سیاسی عدم استحکام ءِ۔ اُلس ءِ ووٹ انا حق تننگے۔ حکمران خان آئینی وڑ اٹ تینا حکومت ءِ چٹفسا خواست کننگ اٹی ءِ کہ آئینی وڑاٹ گچین کاری کرفنگے۔ اسد عمر بطور وزیر تینا جند انا گاڈی تے کاریم اٹ ایسکہ۔ اوفتے جیل اٹ آسراتی تننگے۔ جیل بھرو اسہ سیاسی تحریک اسے۔ مریم نواز 2 جج آتا برخلاف بیان بازی کننگ اٹی ءِ۔ دیر حق تسنے کہ او جج آتیا تنقید کے۔ او اگہ بادشاہ اسے نا مسڑ ءِ تو پاننگے اونا برخلاف کارروائی مرے و تقریر تیا پابندی خلنگے۔

(آن لائن)