ٹرمپ ایران آ پوسکن و دمدستی اسیجائی جلہو نا اسرائیلی خواست ءِ منتو
Get real time updates directly on you device, subscribe now.
واشنگٹن، سی این این نا رِد اٹ 2 امریکی کمامدار و اسرائیلی سکیورٹی نا اسہ وڑ اس پاش کرینے کہ نیتن یاہو ایران نا برخلاف پوسکن آ جلہو کننگ کن پدریسہ زور شاغنگ اٹی ءِ، اسرائیل ایران آ پوسکن و دمدستی جلہو کن امریکہ ءِ راضی کننگ کن تدوک آ مچ آ ہفتہ امریکی کمامدار آتتون لابنگ کرے، ولے صدر ٹرمپ و ایلو سینئر امریکی کمامدار آک داڑا راضی متوس۔ حوالی نا رد اٹ ٹرمپ انتظامیہ دا ہیت ءِ پارسا اسرائیل نا ہیت ءِ چَپ کرے کہ او داسہ انتظار کیر، المی ءِ او زوت ایران نا برخلاف اسیجائی آپریشن کن رضامند مریرہ۔ حوالی نارد اٹ پوسکن آ جلہو تیکن امریکہ نا راضی مفننگ نا اسہ سوب اس اسرائیلی آرمی چیف نا مون آ بروک دا خلیس ئس کہ ہراٹی پاننگاسس کہ ایران آ پوسکن آ جلہو اسرائیل نا گچین کاری تے پد بٹنگ کیک ولے اسرائیلی وزیراعظم نا دفتر دا دعویٰ ءِ دروغ نا حوال گوندانے‘ حوالی دا ہم پارینے کہ اسرائیل امریکہ نا پوسکن آ جلہو تیکن تیار مفننگ ءِ مجبوری اٹ امنا کرے، انتئے کہ اسرائیل ءِ دا خلیس ءِ کہ اگہ حوثیک تینا میزائل آتا رُخ ءِ اسرائیل نا کنڈ آ کریر تو اودے المی وڑ اٹ تینا دفاع کن امریکہ نا گرج مریک۔