وزیراعظم محمد شہباز شریف پاکستانی ڈل انا کماشی آن پد وطن آ پدی بننگ کن لندن آ ہنا
Get real time updates directly on you device, subscribe now.
اقوام متحد، وزیراعظم محمد شہباز شریف اقوام متحدہ نا جنرل اسمبلی نا 81 می دیوان اٹی پاکستانی ڈل انا کماشی ءِ کننگ آن پد وطن آ پدی بننگ کن نیویارک آن لندن آروانہ مس۔ وزیرِ اعظم تینا پنچ دے ئی اختہ ئی ددورہ ٹی 193 باسکی جنرل اسمبلی آن تران کننگ تون اوار اوار چندی جہانی راہشون آتون اوڑدہی ہم کرے ہرافتے ٹی علاقائی و جہانی سلامتی و تین پہ تینی است خواہی نا امور نا بارواٹی گپ وتران کننگا۔ او پاکستانی امریکی کاروباری شخصیت آتون ہم اوڑدہی کرے و ملک اٹ زرکاری آ زور شاغا۔ وزیراعظم اقوام متحدہ نا سیکرٹری جنرل انتونیو گوتریس تون ہم اوڑدہی کرے ہرا نا بروک آ تُو پاکستان نا دورہ گمانی ءِ، او 31 دسمبر 2026 آ تینا 5 سال انامدءِ پورو کننگ ءِ۔ اقوام متحدہ نا جنرل اسمبلی آن تینا تران اٹی وزیرِ اعظم جھیڑہ غاتا ایسر کننگ کن مذاکرات و سفارتکاری ءِ برجاتخنگ نا گرج آ زور شاغا۔ او بھارت ءِ خبڑدار کرے کہ پاکستان نا بشخ انا دریا تا دیر ءِ توننگ، اڑاند شاغنگ یا اونا رخ ءِ بدل کننگ نا ہر کوشست ءِ جنگی عمل تصور کننگک۔