صدر زرداری نا سرسہب کارروائی آ پاک بحریہ نا ورناتے خراج تحسین
Get real time updates directly on you device, subscribe now.
اسلام آباد، صدر مملکت آصف علی زرداری بحیرہ عرب اٹ منشیات نا برخلاف سرسہب کارروائی آ پاک بحریہ نا ورناتے خراجِ تحسین پیش کرینے۔ ایوانِ صدر نا میڈیا ونگ آن جاری بیان نا رداٹ، صدرِ مملکت پاک بحریہ نا جہاز حنین و یرموک نا کنڈآن بحیرہ عرب اٹ اسیجائی کارروائی ٹی 2,800 کلوگرام آن زیات منشیات ءِ کوزہ ٹی ہلنگ آآفیسر و عملہ نا کسبی لائخی و مستعدی نا ستاءِ کرے۔ صدر مملکت سمندری دنگ اٹی غیر کانودی سرجزآتا توننگ وبحری سلامتی نا رکھ اکن پاک بحریہ نا عزم انا ستاءِ کرے۔ صدر زرداری پارے کہ پاک بحریہ ملک انا سمندری دنگ و بحری کسرتا رکھ اکن قابلِ قدر کڑد ادا کننگ ءِ، پاکستان امن و سلامتی نا مون آ دننگ و غیر کانودی سرجزآتا توننگ کن سنبرینگوک ءِ۔