نزور و نیزگار آ بندغ آتا گرج آتے پورو کننگ ءِ اولیت ایتنہ، عمران خان

0

Get real time updates directly on you device, subscribe now.

اسلام آباد(آن لائن)وزیرِ اعظم عمران خان نا کماشی ٹی غریب اور کم آمدنی والا تپہ غاتے کُن خور نا گڑاتا مد اٹ حکومتی سبسڈی تننگ نا نظام ءِ پین جوان کننگ نا بابت اٹ دیوان اس اڈ ہلک۔ دیوان اٹ خاص انگا کمکار برائے راجی رکھ ڈاکٹر ثانیہ نشتر، سیکرٹری خزانہ، چئیرمین نادرا و ایلو سینئر افسرک بشخ ہلکر، دیوان اٹ حکومت نا کنڈآن تروک آ سبسڈی ءِ نیزگار بندغ آتسکان جوان وڑ اٹ سر کننگ خاص کر غریبی نا گواچی او کم آمدنی والا تپہ غاتا بنداوی گرج آتا بابت اٹ سبسڈٰی نا نظام ءِ جوان کننگ نا ضمن اٹ جتا جتا سلاہ تیا سجفنگا۔ وزیرِاعظم دیوان آن تران کرسا پارے کہ نزور و نیزگار آ بندغ آتا گرج آتے پورو کننگ نا زمواری ءِ اولیت ایتنہ۔ او پارینے کہ حکومت نا جوان کوشست ءِ کہ سبسڈی نا نظام ءِ جوان، شفاف او ٹارگیٹڈ ٹارگٹ آتا رداٹ جوڑ کننگے او دا ہیت ءِ پک کننگے کہ سرکاری خزانہ آن خڑچ کروک آ رقم ءِ جوان کاریم اٹ اتنگے۔ وزیرِ اعظم پارینے کہ مالو سبسڈی نا نظام اٹ ساڑی خامی تے مُر کننگ نا گرج ءِ ہر وخت اسہ کنڈ کرسا ہنانو، ہرانا سوب آن ہندا وسیلہ غاتیان ہمو تپہ غان فائدہ ہرفسا کریر ہرافک دانا حقدار الوس۔ وزیرِ اعظم خاص انگا کمکار برائے راجی رکھ، سیکرٹری خزانہ، یوٹیلیٹی اسٹور کارپوریشن آتے پارت کرے کہ غریب او کم آمدنی والا تپہ غاتے بنداوی آ کُن خور نا گڑاتا بابت اٹ ٹارگیٹڈ سبسڈی تننگ نا سلا ءِ زوت اس پک کننگے۔

Get real time updates directly on you device, subscribe now.

Leave A Reply

Your email address will not be published.