پولیس موبائل یونٹ آتے ایلو ضلع غاتیٹی ہم فعال کننگک، جام کمال خان

کوئٹہ(آن لائن)وزیراعلیٰ بلوچستان جام کمال خان پارینے کہ پولیس موبائل یونٹ آتے ایلو ضلع غاتیٹی ہم فعال کننگک، پولیس خدمت موبائل ہند پُوسکن آ ٹیکنالوجی آن شُپ ءِ، محکمہ پولیس ءِ ڈیجٹلائزیشن نا کنڈ آ دننگ انگ ءِ، پولیس موبائل یونٹ آتیان بھلو کچ اس اسکان اُلس نا ویل آک ایسر مریرہ،  صوبہ ٹی نوکاپی حالیت او طوفانی پِر تا سوب آن نسخان تا بابت اٹ محکمہ سی این ڈبلیو سروے کننگ اٹی ءِ، صوبہ ٹی طوفانی پِر او نوکاپی حالیت آک مالو نا وڑ ءُ۔ دا خیال آتا درشانی ءِ او پولیس موبائل مرکز نا بنا نا وخت آ میڈیا تون ہیت وگپ کرسا کرے۔ او وخت آ صوبائی وزیر داخلہ میر ضیاء اللہ لانگو،عبدالخالق ہزارہ،مبین خان خلجی،چیف سیکرٹری فضیل اصغر تون اوار پولیس و ایلو بڑزکو کمامدار آک ساڑی ئسر۔ وزیراعلیٰ جام کمال پارینے کہ اولیکو مرحلہ ٹی ارا بس آتا پولیس موبائل بنجاہ اس جوڑ کننگانے، محکمہ پولیس ءِ ڈیجٹلائزیشن نا کنڈ آ دننگ انگ ءِ، پولیس موبائل یونٹس آن بھلو کچ اس اسکان اُلس نا ویل آک ایسر مریرہ، تھانہ غاتے اپ گریڈ کرسا پُوسکن آ ٹیکنالوجی نا کنڈ آ دننگ انگ ءِ، ٹیکنالوجی آن کاریم ہلسا اُلس نا آسراتی کن پروسس ءِ سادہ و فہم او ترند کننگ درکار ءِ، تانکہ اُلس زیات آن زیات فائدہ ہرفنگ کے، ننا کوشست ءِ کہ تھانہ غاتے اپ گریڈ کرسا اوڑے اُلس دوست ءُ چاگڑد اس جوڑ کننگ کین، سسٹم ءِ ڈیجٹلائز کرسا سسٹم ءِ انٹر کننگ تون اوار ایلو گام گیج آتے کننگ اٹی اُن، پولیس موبائل بنجاہ ءِ ایلو ضلع غاتسکان تالان کننگک۔ وزیراعلی جام کمال پارینے کہ محرم الحرام اٹی امن و ایمنی نا بابت آئی جی آفس اٹ دیوان مریک، دیوان اٹ محرم الحرام اٹی سیکورٹی نا بابت اٹ سجفنگک۔ بلوچستان اٹ نوکاپی حالیت او طوفانی پِر تا سوب آن نسخان تا بابت اٹ محکمہ سی این ڈبلیو سروے کننگ اٹی ءِ، کل زہمی آ ضلع غاتے ٹی کمکی گڑاتے سرکننگانے، جام کمال پارینے کہ ضلع ٹی نسخان تا پوروی نا بابت اٹ سروے برجا ءِ، صوبہ ٹی طوفانی پِر او نوکاپی حالیت مالو آمبار ارے۔