بلوچستان جام کمال خان نا کماشی ٹی شون ہلیک‘ میر گہرام بگٹی

تمبو (آن لائن) جمہوری وطن پارٹی نا صوبائی صدر و صوبائی اسمبلی نا باسک نوابزادہ گہرام خان بگٹی پارینے کہ بلوچستان جام کمال خان نا کماشی ٹی شون ہلیک‘ ساڑی حکومت بلوچستان نا پسماندگی و احساس محرومی نا چٹفنگ ءِ اولیت ایتک‘ ملک ءِ گیس فراوان کروک آ ضلع داسکان گیس انا بنداوی آسراتی تیان محروم ءِ‘ ننا خواست آتیا کاریم برجاءِ‘ ڈیرہ بگٹی ٹی ایجوکیشنل سٹی نا بنداو ءِ زوت تخنگک۔ دا خیال آتا درشانی ءِ او بگٹی ہاؤس اٹ نصیرآباد ناصحافی تتون ہیت وگپ کرسا کرے۔ نوابزادہ گہرام بگٹی پارے کہ جمہوری وطن پارٹی صوبہ غاتے واکدار جوڑ کننگ کن اولیکو دے آن جہد کننگ اٹی ءِ و داسہ ہم صوبہ غاتے واکدار جوڑ کننگ کن ہر وڑ انا آئینی بل انا بے شڑت آن مخ تفی ءِ کیک ولے صوبہ غاتا واکداری ءِ کم کننگ ءِ جمہوری وطن پارٹی منپک و نئے دا وڑ انا گام اسے نا مخ تفی ءِ کیک۔ او پارے کہ جام کمال خان ناکماشی ٹی بلوچستان شونداری نا کسر آ روان مننگ اٹی ءِ و غٹ علاقہ غاتے ٹی بے فرق آن شونداری کاریم میرٹ آ مننگ اٹی ءِ۔