ڈور تیا تفوک تجاوزات آتا برخلاف کارروائی کننگے‘سہیل بلوچ

کوئٹہ : کمشنر کوئٹہ ڈویژن سہیل الرحمن بلوچ نا کماشی ٹی بشام نا گمانی پر تا بابت گمانی محکمہ غاتا پیشگی تیاری و رکھوک انتظام آتا چر اٹ دیوان اس اڈ ہلک۔ دیوان اٹ ڈپٹی کمشنر پشین ڈاکٹر یاسر بازئی، اسسٹنٹ کمشنر پولیٹیکل کوئٹہ ڈویژن بابر خان آن بیدس محکمہ ایریگیشن، پی ڈی ایم اے، ایجوکیشن، جانجوڑی، سی اینڈ ڈبلیو میٹروپولیٹن کارپوریشن و ایلو محکمہ غاتا افسرک ہم ئسر وخت اس کہ ڈپٹی کمشنر کوئٹہ شہک بلوچ و ڈپٹی کمشنر چمن اسماعیل ابراھیم غاتے ویڈیو لنک بشخ ہلکر۔ دیوان اٹ کمشنر کوئٹہ ڈویژن سہیل الرحمن بلوچ کل ڈی سیز و محکمہ غاتا نیام اٹ جامع حکمت عملی نا رداٹ گمانی کمک و پر انا نالی، سیوریج سسٹم نا جوانی و ساف کننگ نا پارت کرسا پارینے کہ بشام نا پر تیان مست کل پر انا نالی تیا تجاوزات آتا برخلاف کارروائی کننگک۔ دا بابت اٹ گمانی محکمہ زوت اس عملدرآمد ءِ پک کننگے۔ او ادارہ غاتا پارت کرے کہ کل ادارہ غاک بشام آن مست تینا کل تیاریک پورو کیر وخت اس کہ المی مشینری، ڈی واٹرنگ پمپس و ریسکیو کمامدار آتے الرٹ تخنگے۔

(خ ن)