پیپلزپارٹی مدام انسانی حق آتا علمبردار مسنے‘نعیم بلوچ
Get real time updates directly on you device, subscribe now.
بسیمہ: پاکستان پیپلز پارٹی رخشان ڈویژن نا صدر نعیم بلوچ صحافی تتون ہیت وگپ کرسا پارینے کہ پاکستان پیپلز پارٹی انسانی حق آتا علمبردار مسنے۔ ننا جہد معاشی و آجوئی جمہوریت و ادارہ غاتا استحکام آئین پاکستان نا بالادستی کن مسنے۔ ننا مقابلہ ہچ ءُ سیاسی پارٹی سے تون اف۔ ننا جنگ غریبی معاشی وسیاسی غنڈہ گردی رجعت پسندی و دہشتگردی نا برخلاف ءِ، 55 سال سیاسی سفر اٹ پاکستان پیپلز پارٹی جان تے ندر کننگ آن پد ہم ہچ ءُ ادارہ سے آ کیچڑ ہرفتنے وخت اس کہ نن ادارہ غاتے سوگو کننگ نا کوشست کرینے۔ ہچ ءُ وخت اس ادارہ غاتے اقتدار نا بیساکھی جوڑ کننگتنے نن اُلس نا طاقت آ پام تخنہ۔ دا 55 سال نا سفر اٹ پاکستان پیپلز پارٹی نا کماش و کارندہ غاک سختی و سخت انگا وخت و حالیت آتا جوان وڑاٹ مقابلہ ءِ کرینے۔
(آن لائن)