سخت انگا باسنی ٹی لوڈشیڈنگ نا مذمت ءِ کینہ‘ مفتی احسان الحق

کوئٹہ : جمعیت علما اسلام ضلع کوئٹہ سٹی نا امیر مفتی احسان الحق پارینے عید انا وخت آ کوئٹہ شار انا مین کاروباری بازار اٹ لوڈشیڈنگ نا سخت انگا لوز آتیٹی مذمت ءِ کینہ۔ او پارینے کہ داخس باسنی ٹی بجلی نا لوڈشیڈنگ کننگ داوڑ نا علاقہ غاتیٹی ہراڑے قدرتی آ تہو انا پریشر بھاز کم ءِ و حبس بھاز زیات ءِ۔ داوڑ نا حالیت آتیٹی لوڈشیڈنگ کننگ بھاز اُست ہسون ءُُ ہیت اسے۔ مین کوئٹہ کاروباری مرکز قندھاری، بازار لیاقت بازار، مسجد روڈ، و ہیب کیب اٹ مرغن انگا لوڈشیڈنگ معمولی ءُُ ہیت اس جوڑ مسنے ایہن تو داڑے 100 پرسنٹ بجلی نا بل انا ادا کننگک۔ بڑزکو کمامدار آتیان سخت نوٹس ہلنگ نا اپیل کننگ وخت اس کہ نن سخت برانز آ مجبور مرینہ بڑزکو کمامدار آک سرکاری دفتر امیر انگا بندغ و صاحب سروت بجلی مفننگ نا حالیت اٹ جنریٹرز خلیرہ اوفتا جانجوڑی آ ہچ ءُُ فرق اس تمپک ولے اسہ غریب ءُُ شاری اس ہرا تینا ارا وخت انا ارغ کن ترسنگ اٹی ءِ او دا سخت انگا باسنی ٹی امر گزارہ کے و داوڑ نا حالیت آتیٹی دوکاندار واپارک ہم بھاز باسنی تا گواچنی ءُُ، ٹیکس بل کل آن ہلیرہ ولے ورندی ٹی آسراتی فراوان کننگ اٹ بے سہب خننگرہ۔

(آن لائن)