عمران خان نا اسہ پین پک جعلسازی اس پاش مس،  مسلم لیگ (ن)

اسلام آباد (آن لائن) پاکستان مسلم لیگ (ن) نا بنجائی ترجمان مریم اورنگزیب الیکشن کمیشن آن فارن فنڈنگ کیس ناریکارڈ ءِ مون آ اتنگ و پاش کننگ نا خواست کرینے، و کیس انا سماعت ءِ لائی کننگ نا ہم پارینے۔ او پارے کہ الیکشن کمیشن ہڑدے نا کاٹم آ فارن فنڈنگ کیس انا سماعت ءِ کے و پد تموک ویل آتیا کانود و انصاف نا خواست آتے سر تننگ نا بابت تَل وَل آتے کنا لیپ۔ عمران خان خیراتی ادارہ ءِ منی لانڈرنگ و سیاسی مسخت کن کاریم اٹ ایس۔ عمران خان شوکت خانم نا چندہ غاتے سیاسی فنڈ اٹی بدل کرسا بھلو ڈوہ اس کرینے۔ تینا بیان اٹی ترجمان مسلم لیگ (ن) پارے کہ عمران نا جعلسازی نا اسہ پین نمن مننگ کپروک شاہدی اس مونی بسنے۔ شوکت خانم ڈونر آتے پارٹی ڈونر نا وڑ اسکروٹنی کمیٹی رپورٹ اٹی شاغنگ گڑیفوک ءُ حوال اسے۔ 35 درسد ڈونر پی ٹی آئی ءِ چندہ تتویسر، جعلسازی نا دا 35 درسد ڈونر نا لڑ ءِ فارن فنڈنگ نا لڑ اٹی شاغنگا۔ مریم اورنگزیب نا پاننگ ئس کہ عمران خان خیراتی ادارہ ءِ منی لانڈرنگ و سیاسی مسخت کن کاریم اٹ ایس۔ عمران خان شوکت خانم نا چندہ ءِ سیاسی فنڈ اٹ بدل کرسا بھلو ڈوہ اس کرینے۔ فارن فنڈنگ کیس اٹی 8 والیم ہندا سوب آن ڈکنگ انگ ءُ۔ ترجمان مسلم لیگ ن پارے کہ کرپشن، منی لانڈرنگ و درملکی غیر کانودی سرمایہ نا جم حوال ءِ ڈکنگ انگ ءِ۔ الیکشن کمیشن نا پرمان نا رد اٹ اسٹیٹ بینک تون اوار کل دستاویز آتے پبلک کننگے۔ او پارے کہ عمران خان پارٹی ملازم آتا نجی اکاؤنٹ آتیٹی پیسہ خواہفسا کرے۔ عمران صاحب نا درملکی بینک اکاؤنٹ آتا جم حوال نا بننگ سلوک ءِ۔