بلوچستان اسمبلی،فشریز ایکٹ اٹ ترمیم نا قرار داد امنائی وڑ اٹ منظور

0

Get real time updates directly on you device, subscribe now.

کوئٹہ (تلار حوالکار) بلوچستان اسمبلی ٹی فشریز ایکٹ اٹ ترمیم نا قرار داد امنائی وڑ اٹ منظورکننگانے۔ وخت اس کہ اسمبلی باسک آک پنجاب اٹ بلوچ پشتون طالب علم آتے تنک کننگ نا ہم مذمت ءِ کرینو۔ حوال آتا ر داٹ بلوچستان اسمبلی نا دیوان ڈپٹی اسپیکر سردار بابرخان موسیٰ خیل نا کماشی ٹی مس۔ دیوان اٹی بی این پی نا باسک ثناء بلوچ تینا قرار داد ءِ پیش کرسا پارے کہ بلوچستان نا گیس معدنیات خیسن و پیہن تا استحصال و لٹ و پل آن پد داسہ بنجا و ایلو ادارہ غاتا کاٹم خواجہی ٹی بلوچستان نا سردریابی زند و نباتات آتا کٹنگ آن پد مچھی تا نسل کشی ٹرالر مافیا نا کمک اٹ کیہی دہ سال آن برجا ءِ۔ ہرانا سوب آن بلوچستان نا کرّک نا باتیک بین، بیوسی و غریبی نا گواچی مننگ ءُ۔ گڑا صوبائی حکومت تینا زمواری تا درک ءِ خلسا غیر کانودی جال کاریم اٹ اتنگ و ٹرالنگ نا برخلاف سخت کارروائی کے و دا رد اٹ باقاعدہ کانود جوڑ کننگ تون اوار اوار بحر بلوچ و بلوچستان نا کرّک آ ماہی گیر تا و کرّک نا رکھ اکن ہندی بندغ آتا ہیلکاری آ چکار کننگے و دا رد اٹ کرّک رکھ فورس اس ٹہیفنگے۔ ثناء بلوچ پارے کہ ننا غلط پالیسی و عمل آتا سوب آن مچھی تا نسل کشی مسنے، خورک انگا سوردریاب چاگڑد و صوبہ نا آخبت ءِ زہمی کیک۔ او پارے کہ ہفتاد ہشتاد ہزار سیکورٹی کارندہ کرّک آ تعینات ءُ، ولدا ہم چاگڑد ءِ بھس و بومبار کننگ انگ ءِ۔ گوادر نا مخلوق برانز کننگ اٹی ءِ، ہمو دے آن خلبو کہ ہراتم مخلوق توفک ہرفسا سوردریاب اٹ کاہے۔ او سلاہ تس کہ فشریز ایکٹ اٹی ترمیم کننگے، سخت ءُ کانود جوڑ کننگے، فشریز اٹی کوسٹل پروٹیکشن فورس اس جوڑ کننگے۔ گڈ سر اٹ قرار داد ءِ امنائی اٹ منظور کننگا۔

Get real time updates directly on you device, subscribe now.

Leave A Reply

Your email address will not be published.