عمان آن ایل پی جی نا 2 جہاز پاکستان ءِ سر مسر، نہاد آتیٹی کمتی نا گمان
Get real time updates directly on you device, subscribe now.
کراچی، عمان آن ایل پی جی ہرفسا بروک آ 2 بحری جہاز پاکستان آ سر مسنو، ہراڑان پد ایل پی جی نا نہاد آتیٹی کمتی نا گمانک روشنا مسنو۔ حوالی نا رِد اٹ پاکستان آ سر مروک ہڑتوم آ بحری جہاز آک جم وڑ اٹ 7 ہزار 603 میٹرک ٹن ایل پی جی ہرفسا پورٹ قاسم آ سر مسر۔ ایس ایس جی سی نا ٹرمینل آ پریانیس پنی آ جہاز 4 ہزار 250 میٹرک ٹن وخت اس کہ اینگرو ٹرمینل آ الیسا ون پنی آ جہاز 3 ہزار 83 میٹرک ٹن ایل پی جی آف لوڈ کرے۔ حوالی نارد اٹ دوشنبے آن ایران نا سیمی کسر آن ہم ایل پی جی نا سلوک آ ریسہ نا بنا مننگ نا گمان ءِ۔ مارکیٹ حوالی نارد اٹ ایل پی جی نا سپلائی ٹی گچینی بننگ آن نہاد آتیٹی کمتی نا اومیت ارےِ۔