ایران نا بندر عباس نا فضائی دنگ اٹی امریکی ڈرون اس خلنگ نا دعویٰ

تہران، ایران امریکی ڈرون ءِ خلسا بٹنگ نا دعویٰ کرینے۔ دا رد اٹ ایرانی فوج پارینے کہ ایرانی شار بندر عباس نا فضائی دنگ اٹی امریکی ڈرون ءِ خلسا بٹنگانے۔ یات سلے کہ امریکی صدر ڈونلڈ ٹرمپ پارینے کہ ایران آ جلہو پگہ غان مننگ کیک، دا ہم مننگ کیک کہ اسہ بھلو معاہدہ اس پک مرے۔ ڈونلڈ ٹرمپ ایران آ جلہو تون تعلقدار سوج انا ورندی ٹی پارے کہ ای گمانی فوجی کارروائی نا وخت ءِ پاپرہ۔ او پارے کہ ایران نا باندات ءِ بھاز جوان انگا وڑ اٹ ایسر کریٹ‘ داسہ مننگ کیک کہ سلوک کاریم ءِ ہم کروئی تمے۔