پاکستان کن سیم آتے بند کننگ نا حوال آک سٹی ءُ، ایرانی سفیر

کوئٹہ، ایرانی سفیر رضا امیری مقدم پاکستان کن سیم آتے بند کننگ و ایل پی جی تون اوار ایلو گڑاتا برآمد آ رکھ خلنگ نا حوال آتا تردید ءِ کرسا پارینے کہ ایران نا کنڈ آن پاکستان ءِ اسہ گڑا سے برآمد آ ہچ ءُ رکھ اس اف۔ ایرانی سفیر نا رِد اٹ پاکستان ءِ ایل پی جی نا رسینگ گیگ اٹ ودی مروک اڑاند نا سوب پاکستانی درآمدی وڑوڈول اٹ بدلیک ءُ۔ او پارے کہ پاکستانی ای فارم نا وڑوڈول اٹ بدلی تا سوب آن ہڑتوم آ ملک آتا نیام اٹی واپاری زہمی مسنے۔ رضا امیری مقدم پیدوار پارے کہ ایران پاکستان کن تینا سیم آتے بند کتنے و دا رد اٹ سوشل میڈیا غا پیری کروک حوال آک راست سٹی و بے بنداو ءُ۔