وزیراعلیٰ بلوچستان میر سرفراز بگٹی تون ڈاکٹر قرۃ العین بختیاری نا اوڑدہی
Get real time updates directly on you device, subscribe now.
کوئٹہ، وزیراعلیٰ بلوچستان میر سرفراز بگٹی تون انسٹی ٹیوٹ فار ڈیولپمنٹ اسٹڈیز اینڈ پریکٹسز نا سروک ڈاکٹر قرۃ العین بختیاری اوڑدہی کرے، اوڑدہی نا وخت آ بلوچستان اٹی انسانی وسیلہ غاتا شون تننگ‘ ورناتا تعلیم و ہیلکاری‘ کمیونٹی ڈیولپمنٹ، زالبول تا واکداری و راجی شوندری نا چندی باندات آتیا گپ وتران کننگا۔ داوخت آ صوبہ نا ورناتے پوسکنوڑ خواست آتتون ہمگرنچ تعلیم و عملی ہیلکاری نا فراوانی، اوفتا لائخی تے کاریم اٹ اتنگ و اوفتے زرگزرانی و راجی شوندری نا عمل اٹی بھرمی وڑ اٹ اوار کننگ نا گرج آ ہم گپ وتران مس۔ وزیراعلیٰ میر سرفراز بگٹی پارے کہ بلوچستان نا مدامگی شونداری کن ہیورمن ریسورس نا کاریمی واکداری کچ اٹ ودکی بنداوی اہمیت تخک۔