حکومت محکمہ تعلقات عامہ ءِ پوسکن آ خواست آتون ہمگرنچ کننگ کن گام گیج کننگ ءِ‘نعیم بازئی
Get real time updates directly on you device, subscribe now.
کوئٹہ (خ ن)گورننس اینڈ پالیسی پروجیکٹ نا کمک اٹ محکمہ تعلقات عامہ ٹی الیکٹرانک و سوشل میڈیا سیکٹر ءِ پوسکن آ خواست آتون ہمگرنچ کننگ کن ہرا ڈٹ انا بناءِ کننگاسس اوڑا عملی وڑاٹ کاریم نابناءِ کننگانے‘دا رد اٹ چندی امور تیکن ٹینڈر شینک مسنے‘ دا ہیت ءِ گورننس اینڈ پالیسی پروجیکٹ نا ڈل سَے شنبے نادے ڈائریکٹر جنرل تعلقات عامہ محمد نعیم بازئی ءِ ڈٹ انا بابت بریفنگ ترسا کرے‘ ڈل انا کماشی ءِ اسٹریٹجک کمیونکشن اسپیشلسٹ گودی مہوش ذیشان کریکہ۔ دا وخت آ ڈائریکٹر تعلقات عامہ محمد نور کیھتران، سسٹم اینلسٹ محمد عاصم، اسسٹنٹ ڈائریکٹر منظور مگسی، جی پی پی نا کمیونیکشن آفیسر طارق خان وایلو افسر آک ہم ساڑی ئسر۔ ڈل مستی پارے کہ دا ڈٹ ءِ زوت پورو کننگک‘ ہرادے سوگو کننگ کن باقاعدہ چاہندر آتیان کاریم ہلنگک‘ او پارے کہ ڈی جی پی آر نا افسر آتا کاریم نا واکداری کچ ءِ ودفنگ کن ہیلکاری پروگرام ہم پبی وڑ اٹ کمک کیک۔ داوخت آ ڈائریکٹر جنرل تعلقات عامہ محمد نعیم بازئی ہیت وگپ کرسا پارے کہ ساڑی حکومت محکمہ تعلقات عامہ ءِ پوسکن آ خواست آتون ہمگرنچ کننگ کن غٹ دوئی وسیلہ غاتے کاریم اٹ اتنگ اٹی ءِ‘ ادارہ ءِ سوگو کننگ و پوسکنی اتنگ کن جہانی بینک انا کمک ستا کڑزک۔ او جی پی پی نا ڈل انا منت ءِ ہرفسا پارے کہ صوبائی کابینہ رائٹ ٹو انفارمیشن ایکٹ انا منظوری ءِ تسنے ہرادے زوت صوبائی اسمبلی ٹی پیش کننگک‘ او مستی پارے کہ معلومداری تسکان سر مننگ نا بل انا اسمبلی آن منظوری آن پد اودے بندغ آتے ٹی درستی راستی کرفنگ کن باقاعدہ آگاہی مہم نا بناءِ کننگک‘ ہراڑکن جی پی پی نا کمک درکار مریک۔ جی پی پی نا ڈل باور کرفے کہ محکمہ تعلقات عامہ ءِ سوگو کننگ کن ہر وڑ انا کمک کننگک۔