رخشان ڈویژن اٹ سٹی آ چیک پوسٹ آتے چٹفنگے، بس ٹرانسپورٹ یونین
کوئٹہ : تدوک آ دے تفتان بس ٹرانسپورٹ یونین و مشترکہ اتحاد رخشان بیلٹ نا ٹرانسپورٹ نمائندہ غاتا دیوان اڈ ہلک۔ ہراٹی صدرتفتان بس ٹرانسپورٹ یونین حاجی اللہ بخش بادینی ڈپٹی چیرمین رحیم الدین ماندائی سینئرنائب صدر باباجان شاہوانی ڈپٹی جنرل سیکرٹری عبدالرؤف بادینی‘آفس سیکرٹری حاجی طاہر خان محمدحسنی‘خزانچی حاجی فاروق شاہوانی‘ نوشکی روٹ نا محمد زاہدمینگل ماشکیل روٹ نا حاجی محمد صابر ریکی سیکرٹری شینکاری عبدالغفاربادینی‘ روٹ نا ٹرانسپورٹ کمپنی مالکان حاجی بشیر احمد بادینی حاجی عبدالقادربڑیچ حاجی خدائیداد شاہوانی‘ حاجی دلدار بادینی‘ محمدنعیم‘حاجی محمد اکرم محمد حسنی‘ عبدالرزاق رخشانی‘غلام سرور بڑیچ‘عبدالجلیل بڑیچ‘محمدعمربلوچ و ایلوفک بھلو کچ اسے ٹی بشخ ہلکر۔ ٹرانسپورٹر آک اواری ٹی پوسکن گچین مروک آ نمائندہ غاتیٹی ودکی کریر۔ اعزازیہ بلوچستان نا بزرگ ٹرانسپورٹر راہشون حاجی جمعہ خان بادینی ءِ تانکہ زند کماش نا پارت کرسا اونا سلاہ آن ٹرانسپورٹ نا اجتماعی خواست آتا بابت ایلو ٹرانسپورٹ برادری نا نمائندہ غاتون ملسا اسہ جوان ءُ جمہوری وڑ اسے ٹی کل اجتماعی ویل آتے پاش کننگ کن مخلصانہ جہد ءِ برجا تخنگ نا ہیت ءِ کننگا۔
(آن لائن)