نصیرآباد‘ ڈی سی عائشہ زہری نا پٹ فیڈر کینال نا لٹ انا وخت آ جتا جا ہند آتا دورہ
Get real time updates directly on you device, subscribe now.
نصیرآ باد: ڈپٹی کمشنر نصیرآباد عائشہ زہری تدوک آ دے پٹ فیڈر کینال نا لٹ آتا جاچ انا وخت آ جتا جتا ہند آتا دورہ ءِ کرے۔ محکمہ آبپاشی نا سپرنٹنڈنگ انجینئرعبدالحمید مینگل و ایگزیکٹیو انجینئر غلام محمد بادینی اودے بریفنگ تس۔ دورہ ٹی او او واہ انا لٹ آتا نزور آ پوائنٹ آتے چیک کرے ہرافتیا سجفنگ نا بھاز گرج ارے۔ واہ انا جتا جتا نزور آ لٹ آتیا کاریم نا نگرانی نا زمواری اسسٹنٹ کمشنر چھتر خادم حسین کھوسہ و تحصیلدار مجیب الرحمن ساتکزئی ءِ تننگک۔ ہراڑا ایلو دے آ ڈپٹی کمشنر نصیرآباد عائشہ زہری نا پٹ فیڈر کینال نا نزور آ لٹ آتا جاچ آن پد اسسٹنٹ کمشنر چھتر خادم حسین کھوسہ نا نگرانی ٹی لٹ آتے سوگو کننگ نا کاریم ءِ ترند کننگا۔ محکمہ ایریگیشن محکمہ بی اینڈ آر نا کمک آن بھلا بھلا مشینری و ٹریکٹر آتا کمک اٹ آر ڈی 472 آن آر ڈی 490 اسکان نزور آ لٹ آتیا مش شاغنگ نا کاریم ءِ بنا کننگانے او وخت آ ایس ڈی او ایریگیشن محمد سلیم بہرانی تون اوار ایلوفک ساڑی ئسر۔
(آن لائن)