قلات آن اسکلکو نا روڈ انا جوڑی ءِ پک کننگے‘ عبداللہ آزاد بلوچ
قلات: قلات اسکلکو راجی کارندہ عبداللہ آزاد بلوچ تینا بیان اسے ٹی پارینے کہ سال اسے آن زیات وخت گدرینگ آن پد ہم قلات آن اسکلکو ہربوئی آ ہنوک آ روڈ جوڑ متو۔ بنی بنائی سڑک ءِ ڈائیورشن اٹ بدل کننگا۔ زوت اس روڈ ءِ پین جوان وڑاٹ کننگک۔ ولے سال اس گدرینگ آن پد داسکان کن روڈ جوڑ متو۔ اسکلکو نا باتی تا پاننگ ءِ وخت اس کہ ننے ریلیف تننگ نا پین فریشانی ٹی شاغنگانے۔ تدوک آ پر تیان روڈ کیہی جاگہ غاتیان نوکاپ نا دیر تا گواچنی مس۔ و مروک آ پر تیان پین سڑک نوکاپ نا دیر تیان بھس مسنے ولے سرکار نا کنڈآن روڈ آ اسہ لوڈ اس مش انا شاتنو اُسل ءِ بھلو ویل اس مون تروک ءِ۔ ناجوڑ آتے وخت آ اسپتال اسکان سر کننگ ممکن اف۔ اُلس منٹ آتا سفر ءِ گھنٹہ غاتیٹی پورو کننگ اٹی ءِ۔ نن بڑزکو کمامدار آتیان خواست کینہ کہ قلات آن اسکلکو آ ہنوک آ روڈ ءِ زو اس جوڑ کننگے۔
(پ ر)