ٹیل اسکان شاری تے سفاءُ دیر رسیفنگ کن گام گیج کننگے‘حافظ محمدقاسم کاکڑ
Get real time updates directly on you device, subscribe now.
نصیرآباد (خ ن) ڈپٹی کمشنر نصیر آباد حافظ محمد قاسم کاکڑ پارینے کہ شاری تے کنوئی آ دیر فراوان کننگ کن محکمہ پبلک ہیلتھ انجینئر تینا کڑد ءِ جوان وڑ اٹ ادا کے‘ شار انا چندی علاقہ غاتیان دیرانا تنکی نا غاو بننگ اٹی ءِ ہراڑکن ہلہلہ ئی بنداو آ گام گیج کننگ المی ءِ‘ لولہ غاتا جوڑ جاڑ و غیرکانودی کنکشن آتا برخلاف کارروائی ءِ پک کننگے‘ ٹیل اسکان شاری تے سفاءُ دیر رسیفنگ کن گام گیج کننگے الس تون بیدادی تے سگنگ مفک۔ گوٹھ عبدالرحیم مینگل اٹ پی ایچ ای ناسسٹم ءِ پورو وڑاٹ بحال کرسا الس نا غاو تے ایسر کننگے۔ دا خیال آتا درشانی ءِ او شار اٹ کنوئی آ دیر انا بابت شہری ایکشن کمیٹی نا غاو آ اڈ ہلوک دیوان آن تران کرسا کرے۔ دیوان اٹ اسسٹنٹ کمشنر ڈیرہ مراد جمالی غلام حسین بھنگر، ایکسین پی ایچ ای میاں حفیظ الرحمان ہاشمی، انجینئر محمد ایوب بھٹو، شہری ایکشن کمیٹی نا چیئرمین حافظ سعیداحمد بنگلزئی، میرجمیل احمد مینگل، حافظ صاحب علی تنیو، وڈیرہ عاشق علی عمرانی، سیدگل شاہ تون اوار سیاسی وراجی راہشونک ساڑی ئسر۔