مسلم لیگ (ن) نا تینا دور اٹ ملکی زرگزران نا سوگوی نا بابت دعویٰ راست اف، شہباز گل

اسلام آباد(اے پی پی) وزیراعظم نا خصوصی کمکار سیاسی امور ڈاکٹر شہباز گل پارینے کہ مسلم لیگ (ن) نا دا دعویٰ درست اف کہ ہراتم اوفک حکومت ءِ اِلار تو ملکی زرگزران بھاز سوگو ئس۔ ڈاکٹر شہباز گل مسلم لیگ (ن) نا راہشون احسن اقبال نا ویڈیو اپ لوڈ کرسا پارے کہ (ن) لیگ دا دعویٰ کیک کہ ہراتم نن حکومت ءِ ہلان تو ملکی زرگزران بھاز سوگو ئس۔ احسن اقبال 2019ئٹی پاریکہ کہ ساڑی حکومت ءِ بننگ تون اولیکو 3 تُو اٹی جہانی مالیاتی ادارہ (آئی ایم ایف) آ بایدے ہنوئی مروسس۔ زرگزران سہی مسوسس تو آئی ایم ایف آ انت لندن فلیٹ آتا رسید آتے ہلنگ کن ہنوسن۔ تینا اسہ پین ٹویٹ اسے ٹی مسلم لیگ (ن) نا راہشون طلال چوہدری نا حکومت آ دوبہ غاتیا پاکستان تحریک انصاف نا راہشون عثمان سعید بسرا نا ٹویٹ نا ورندی ٹی اوپارے کہ طلال چوہدری سپریم کورٹ آن بدتمیزی ناسرٹیفیکیٹ ءِ ہلکونے۔ وزیراعظم نا خصوصی کمکار ڈاکٹر شہباز گل تینا اسہ پین ٹویٹ اسے ٹی پارے کہ پی پی و (ن) لیگ تینا زمانہ ٹی جعلی سندجعلی و جعلی سرٹیفیکیٹ آتیا پائلٹ بھرتی کریر۔ اوپارے کہ داوڑنا پائلٹ آتا برخلاف کارروائی نا شرف ہم ساڑی حکومت ءِ دوئی مریک۔ اوپارے کہ ہرمحکمہ ٹی کرپشن و گندگی ءِ و وزیراعظم عمران خان ءِ اسہ اسہ گڑا ءِ سہی کروئی تمنگ ءِ ۔