این ڈی ایم اے سندھ انا ہسپتال آتے رکھی گڑاتا 9 می کھیپ ءِ راہی کرے
Get real time updates directly on you device, subscribe now.
اسلام آباد (اے پی پی) نیشنل ڈیزاسٹرمینجمنٹ اتھارٹی ڈاکٹر آتے کن سندھ انا ہسپتال آتے رکھی گڑاتا 9 می کھیپ ءِ راہی کرے۔ این ڈی ایم اے نا ترجمان نا رداٹ کوروناغان بچنگ کن سندھ انا ہسپتال آتے گڑا راہی کننگا۔ مون تروک آ گڑاتیٹی سندھ ءِ 2 لکھ سرجیکل ماسک و 45 ہزار جتا وڑنا آئی سی یو ماسک تننگانے۔ داڑتون 28 ہزار رکھی سوٹ و 50 ہزار سرجیکل گاون ہم راہی کننگا۔ ترجمان پارے کہ 75 ہزار جوڑا دستانہ و 25 ہزار رکھی عینک سندھ اکن روانہ کننگا۔ داکان بیدس 200تھرمل گن و 5 ہزار پلاسٹک شوزکور ہم مون تننگا۔