چیف جسٹس آف پاکستان نا جسٹس سید عثمان علی شاہ نا کزیت آ ہڑزخواہی
Get real time updates directly on you device, subscribe now.
اسلام آباد (اے پی پی) چیف جسٹس آف پاکستان جسٹس گلزار احمد و سپریم کورٹ آف پاکستان نا ایلو شرفمند آ جج صاحب آک عدالت عظمیٰ نا مسکوہی جج جسٹس سید عثمان علی شاہ نا کزیت آ است ہسونی نا درشانی ءِ کرینو۔ پنچ شنبے نادے آ داڑے چیف جسٹس گلزار احمد و عدالت عظمیٰ نا ایلو شرفمند آ جج صاحب آتا کنڈآن جاری ہڑزخواہی بیان اٹی سپریم کورٹ نا مسکوہی جج جسٹس سید عثمان علی شاہ نا کزیت آ اونا خاہوت تون ڈکھ و ہمدردی نا درشانی ءِ کننگا۔ چیف جسٹس گلزار احمد و سپریم کورٹ نا ایلو جج صاحب آک دعا کرینو کہ اللہ تعالیٰ ایماندار ءِ جنت الفردوس اٹ بڑزکو ہند اس عطاکے۔ چیف جسٹس گلزار احمد و عدالت عظمیٰ نا ایلو شرفمند آ جج صاحب آک پارینو کہ اللہ پاک عدالت عظمیٰ نا مسکوہی جج جسٹس سید عثمان علی شاہ ایماندار نا خاہوت ءِ صبر و جمیل عطاکے۔