حکومت نا پیٹرولیم نا نہاد آتیٹی 30 روپئی فی لیٹر ودفنگ نا پڑو

اسلام آباد اٹی پریس کانفرنس کرسا بنجائی وزیر خزانہ مفتاح اسماعیل پارے کہ اولیکو دے آن پاننگ اُٹ کہ پیٹرولیم مصنوعات نا نہاد آتیٹی ودکی المی ءِ۔ حکومت پیٹرول، ڈیزل و کیروسین آئل نا فی لیٹر نہاد اٹی 30 روپئی ودکی نا فیصلہ کرینے۔ پیٹرولیم مصنوعات نا پوسکن آ نہاد آک جمعہ نا نن آن پک مریرہ۔

مفتاح اسماعیل پارے کہ نہاد آتیٹی ودکی آن پد اسہ لیٹر پیٹرول 179.86روپئی آ مریک، اسہ لیٹر ڈیزل 174.15 روپئی و لائٹ ڈیزل 148.31 روپئی فی لیٹر مریک۔