ریکوڈک کیس نا فیصلہ پاکستان کن بھلو سرسہبی اسے، فروغ نسیم

0

Get real time updates directly on you device, subscribe now.

اسلام آباد (اے پی پی) بنجائی وزیر کانود و انصاف فروغ نسیم پارینے کہ ریکوڈک کیس اٹ برطانوی عدالت نا فیصلہ پاکستان نا بھلو سرسہبی اسے۔ وزیراعظم عمران خان نا کماشی ٹی آخیری وخت اسکان پاکستان نا دفاع ءِ کینہ۔ داخیال آتا درشانی ءِ او چارشنبے نادے آ صحافی تتون گپ وتران کرسا کرے۔ فروغ نسیم پارے کہ برطانوی عدالت نا فیصلہ غان پد پی آئی اے نا منجمد غٹ میرات آک ریلیز مسنو۔ بنجائی وزیر کانود فروغ نسیم پارے کہ مچ آ قوم، وزیر اعظم تون اوار غٹ ءِ ریکوڈک کیس اٹ سرسہبی آ مبارکبادی ایتوہ، پاکستان ءِ پبی سرسہبی ملا۔ اوپارے کہ ہراتم حکومت بس تو حکومت ءِ بھاز انگا ویل مون تروک ئسر۔ شش و نیم بلین ڈالر جرمانہ ئس۔ دِھکہ ہلوک آ زرگزران تون اوار بھاز انگا جہانی کیس آتا ہم مون تروک ئس۔ فروغ نسیم پارے کہ سرسہبی کن غٹ بھاز خواری کریر۔ اوپارے کہ وزیراعظم نا پارت آ کنا کماشی ٹی خصوصی ءُ کمیٹی اس جوڑ کننگا۔ وزیراعظم عمران خان دا کیس اٹ ذاتی است خواہی ہلکونے، امریکی و برطانوی وکیل آتون سلابت کرے، ساڑی و مسکوہی اٹارنی جنرل نا کڑد ہم اہم ئس، احمد عرفان نا کڑد بھاز اہم ئس، احمد عرفان کن ستارہ امتیاز نا سلاہ تسونٹ، ایئرمارشل ارشد ملک ہم پبی کڑد ادا کرے۔ بنجائی وزیر کانود پارے کہ ٹیتھیان کمپنی ءِ ہم پاننگاکہ دا عمران خان نا حکومت ءِ، ساڑی حکومت اٹی نئے کس اس پیسہ کُنیک، نئے کُننگ کن ہلک۔ پاکستان دعا تا نتیجہ ءِ، پاکستان برجاسلنگ کن جوڑ مس و شون ہلیک۔ اوپارے کہ بی وی آئی عدالت نا فیصلہ ٹی غٹ میرات آک ننے ملار، داسہ ہم بھاز انگا چیلنج آک مون تروک ءُ۔ اوپارے کہ ہر کیس اٹ پبی وڑاٹ ملک انا دفاع ءِ کننگ انگ ءِ۔ اوپارے کہ وزارت کانود ہراکاریم ءِ کرسا کرے اواسہ دے اٹی متو اوٹی بھاز خواری کننگانے۔ اسہ سوج اسے نا ورندی ٹی بنجائی وزیر پارے کہ عدالتی فیصلہ ٹی غٹ میرات آک ننے ملانو نن اوفتے کاریم اٹ اتنگ و بہاہم کننگ کینہ۔ بنجائی وزیر فروغ نسیم پارے کہ پاکستان ءِ داسہ ہم بھاز انگا چیلنج آک مون تروک ءُ۔

Get real time updates directly on you device, subscribe now.

Leave A Reply

Your email address will not be published.