آب اٹنگا تعلیم نا فراوانی انتظامیہ نا اولیت اٹی اوار ءِ‘محمد رمضان پلال
Get real time updates directly on you device, subscribe now.
استامحمد، ڈپٹی کمشنر استامحمد محمد رمضان پلال نا کماشی ٹی تدوک آ دے ڈسٹرکٹ ایجوکیشن کمیٹی نا اہم دیوان اڈ ہلک ہراٹی ڈسٹرکٹ ایجوکیشن آفیسر شبیر احمد لانگو تون اوار کمیٹی نا ایلو باسک و تعلقدار افسر آک بشخ ہلکر‘ دیوان اٹی مچ آ ضلع ٹی تعلیمی بشخ انا گچینی‘ سرکاری تعلیمی ادارہ غاتا کارکڑد، استاد آتا حاضری، طالب علم آتے تعلیمی آسراتی تا فراوانی و اسکول آتے مون تروک ویل آتا جم جاچ ءِ ہلنگا‘ دا وخت آ ڈپٹی کمشنر محمد رمضان پلال پارے کہ آب اٹنگا تعلیم نا فراوانی و سرکاری اسکول آتیٹی تدریسی عمل ءِ بھرمی جوڑ کننگ ضلعی انتظامیہ نا اہم اولیت آتیٹی اوار ءِ‘ دا رد اٹ کل تعلقدار افسر آک تینا زمواری تے گچین وڑ اٹ سرایتر‘ دیوان اٹی غیر حاضر استاد آتا برخلاف قاعدہ و ضابطہ نا رِد اٹ کارروائی و غیر حاضری آ تنخواہ تا بند کننگ نا عمل ءِ پک کننگ آ زور شاغنگا۔